先update一下買酒情況，TenCellars已經"識穿"了我就係Sam哥，仲承諾會改進網頁體驗，可喜可賀。又其實，有成千枝酒一次過做大幅度特價，網站表現差少少係可以理解嘅。
TenCellars嘅酒遲啲先分享，今晚先講另一枝意大利酒 (又意大利？不錯，每年呢個時候都喺Xtrawine同TenCellars跌錢，所以比較多意大利)，來自意大利東部，Puglia的"Stilio"，酒區是Primitivo di Manduria。用上100% Primitivo，但Mottura刻意略為風乾這個原本已經full bodied的葡萄，令水份減少20-30%，加上在法國木桶age 6個月，令本酒的定位成為較高價格的Primitivo (話時話Puglia的酒一向不貴，由於土地較ferfile但少雨，以前甚至主力提供作blending的wine lake，產量極高)。正價忘了，特價只需HKD 128，Vivino卻取得4.3分。
顏色中紅，帶紫，比一般Primitivo略深。
香氣集中又擴散，表面上好像很矛盾，實際上的確是並行。這是由於紅果香實在成熟得可以，在酒杯中的旋轉如同兒童樂園的旋轉木馬，精彩燦爛，無論是縱向還是橫向都是誘人，但同樣地複雜性都是兒童樂園，太片面，強度雖高，散得也快，像是樂園關門......另外，本酒有時散發出微微煙燻味，很是有趣。
入口的dryness控制良好 (幸好也不會過甜)，令酸度不用做獨腳戲，clarity很高，質感也不錯，未至於是很柔軟，但以入門酒來說已經不會多求。Tannin的質感則是一般，而且強度和酒精度也很搶，未必人人都能接受。最後要說說本酒會帶起一點像煙燻或咖啡的發展味道，是本酒的bonus。
本酒很像是party wine或無要求時的daily drink，香氣奔放，紅果味迷人，但散得極快，入口很jammy，很片面，但非常容易理解，而且平衡總算是良好以上，酸度和果味都支撐著本酒，絲毫沒有cheap酒的味道，而且價格宜人，是又一枝性價比極高的Primitivo，就算酒精再高，都可以一飲而盡。
評分：85
售賣：Xtrawine 特價HKD 128
師兄, 新手報到! 剛參加左 WSET LV2, 邊學邊飲。
回覆刪除請問師兄覺得酒鼻子有用嗎?
二當家你好，酒鼻子對於背氣味會有一定幫助，係速成嘅方法 (即係死背)，不過沒有酒鼻子，仍然可以參考有質素嘅tasting note一路飲住嚟鑽研，一樣可以學習到。By the way, good luck to your your WSET exam!
刪除謝謝Sam 哥，自己對好多味道都唔熟悉，例如apricot, dill等，如果考LV3 就事倍功半，酒鼻子好似係一個最簡單嘅方法增加自己對氣味嘅認識。
刪除期待Sam 哥分享多d 飲酒心得👏🏻👏🏻👏🏻
客氣，老實說，LV 3有這些用途都不太大，因為考的酒知詞彙太公式化，而且都是以在堂老師為準 (所以LV 3必需要留心老師的觸覺偏向邊一個spectrum)。反而LV 4會較多機會用到你學到的氣味。
刪除