我知最近米芝蓮 (Michelin) 2026年7月首度公佈以Burgundy為選區嘅「米芝蓮葡萄評選」(Michelin Grapes)。呢個震撼彈已經俾好多人討論過。Sam哥反而係冇乜意見，亦唔會講太多。
首先，唔同Burg莊對唔同酒款、村、葡萄園嘅理解唔一樣，造出嚟嘅酒質變素上亦有分別，好難以酒莊為單位一概而論。其次，Sam哥一向過於自負，唔太相信所謂權威，只信自己嘅評測同分數，從以對我嚟講參考價值有限。不過同樣地我唔會反對佢，因為點都好，都係多一個買酒時"參考"嘅名單。
情況就好似Sam哥嘅評分，縱然"分數"對葡萄酒呢種充滿故事，主觀同幻想嘅飲品嚟講，實在太膚淺。不過，分數可以最直接反映飲者觀感，亦可以以最直白顯淺方法評價，就算唔飲酒都會睇得明。所以，分數都係有一定價值。
講遠了。今晚飲Burg，本來想慢慢講講這個在「米芝蓮葡萄評選」取得一星的Domaine Faiveley，這個我最喜愛的Chambolle-Musigny村，一級田Aux Beaux Bruns。"Aux"解作"在"，"Beaux"解作"美麗"，"Bruns"解作啡色。我最想講唔係Domaine Faiveley釀造方針，可以下次講。反而想講，原來我在2023葡萄酒的peak時買本酒，都只是HKD 570，實在是難以置信。直到今天，最平都近千。
顏色中淺紅，得不算是太靚的紅，有點普通，不過質感很乾淨。
香氣，開始時卻有些失望。幾乎沒有太多果香，亦沒有發展的氣味。不過，唞夠氣後，本酒合格有餘了。中等強度，並不爆，又不太含蓄，果香新鮮，raspberry、red cherry和較熟的prume都有。有些smoky、奶油香，是有點浪漫，但整體仍是偏弱。
不過，入口卻一洗頹風。入口，順滑，舒服，乾淨，不賣弄，是一枝整整新派CM的風格。但以上還未算高質。本酒最強的是，最迷人的紅果味，最從酒中心滲出，要在口中一段時間，突然surprise飲者，迷人感一閃即逝，但本來就順滑的質感，卻會令人飲完又飲，就是為了捉緊那一剎那的光輝。
本酒實在比預期有趣。本來只是普通大莊的Domaine Faiveley，卻內藏少量卻強大的光芒。飲本酒，就像是"賣火柴的小女孩"，飲完又飲，光芒卻只在一瞬間。說起來，本酒的價錢，都是如此。最後要提提，雖然風格新派，但口感細膩，很難襯其他食物，都是獨飲最好。
評分：88
售賣：W Cellar HKD 575
購買日期：25-Mar-2023
