寫篇簡單版嘅。
如果有睇我IG就知我最近買咗一堆超市酒。
其中一支係Hardys Tintara GSM。
老實講，以澳洲McLaren Vale嘅酒嚟講，50幾蚊一支GSM已經係平無可平，Tintara系列差唔多係我學酒嗰陣嘅啟蒙酒之一，以前都寫過。喺唔同嘅酒評之下，其實佢拎到嘅分數係唔低，但係喺比較客觀嘅Vivino上面，佢都只係得3.7，喺超市酒算係中等，甚至中上水平了。
顏色雖然係深，但唔算墨水。
香氣上，聞係幾香嘅，GSM應該有嘅香味，佢都齊。主要以紅果味為主，亦都冇帶有太多cheap酒味嘅鋼桶味道。另外有少少泥土味，香氣係算理想。
但入口就好一般。味道單一唔在講，果味都唔見得有幾新鮮。最致命嘅係居然係好有dry嘅味道，完全感受唔到佢嘅甜美樂章，就算以易入口嚟做標準，佢都唔算好達到。
作為五十零蚊嘅超市酒，其實就唔應該太過挑剔。可能平日用嚟餸飯，還是用嚟買醉，亦無不可，但難以作為日飲、單獨享用，更加冇咩品嚐價值。
評分 : 77
售賣 : Marketplace HKD 折實大約50
購買日期 : 08-May-2026
沒有留言:
發佈留言